للطفرانين فقط يعني الملفسين

إلي معوش ما بلزموش

صديقي الطفران.. أنا عارف انو اليوم الجمعه وانت خاف عقلك بدك تسهر بس ما في بجيبتك حق شفرة حلاقة.. نصيحتي وكلها لله وفكك من هالقصص إلي انت مش قدها وحط راسك على الفرشة ونام. وإذا ما اجاك نوم اطلع على البلكونة واحلم واتخيل وبعدين عيطلك شوي وارجع نام، عشان يا صاحبي إلي معوش ما بلزموش!

رحلة إلى شرم الشيخ


عزيزي الطفران.. ابن الجيران طلع رحلة على شرم الشيخ على حساب ابن عمو إلي جاي في إجازة من ألمانيا.. واكل راسك وهو بحكيلك عن رحلته اسمع مني هالنصيحة.. بتركب في باص المؤسسة أو باصات رغدان السلط وبتشتري خمس سجاير فرط «فيلادلفيا» وبتقعد جنب الشباك وبتظلك قاعد من الصبح لأخر الليل تتفرج على الشوارع وتعيط.. وبترجع بتحكي لابن الجيران انك كنت في رحلة لبيروت وبتحرق راس أهله..

سمكة قرش


ابن خالتي الطفران.. ابنك الصغير جننك بدو يشوف سمك القرش ويروح على حديقة الأسماك والوضع صار صعب كتير واد عن حده اسمع هالنصيحة من أخوك إلي ماكل «....».بتاخذ الصبي من وجه الصبح وبتروح على مخيم الوحدات.. بتلاقي هناك محلات بيع سمك على قد شعر راسك وبتدفع لصاحب المحل دينار وبتجيب كرسي وبتقعد عليه الصبي وخليه يتفرج على السمك للصبح.

مطعم هاشم


عزيزي الطفران إذا كنت خاطب ومحتار وين تعزمها على العشا بعد ما شافت فيلم عربي عزم البطل فيه البطلة على مطعم وغارت منهم.. اتبع الخطوات التالية:
1- بتلم من صحابك في الحارة شوية فراطة.
2- بتروح عند أبو احمد الدكنجي بتجمد الفراطة بس بتخلي شوية فراطة عشان أجرة السرفيس.
3- دير بالك تحكي للخطيبة انك عازمها على العشا عشان تتعشى في البيت قبل ما تطلعوا وما تاكل كتير وتخرب ب! يتك.
4- بتركب سرفيس البلد وبتروح على مطعم هاشم.
5- بتطلب صحن ف ول مصري وبعشر قروش فلافل وكاستين شاي أم العشر قروش.


تكسي 11


طفران كالعادة..... عادي ياصاحبي الفقر مش عيب ..... المهم الصحة.... بس أكيد أنت زهقان ونفسك تغير جو... ياسيدي بسيطة استخدم هالطريقة المجربة واسمها طريقة تكسي ( 11 )وأكيد كل الزملاء الطفرانين جربوها وتعني المشي في الشوارع علي رجليك وتلفلف زي التكسي ووين ما تاخدك رجليك بتروح .... وما بتشوف غير الوقت مر بسرعة.


رياضة كش الحمام


أسلوب جديد أصبح الكثير من الزملاء الطفرانين يتبعونه للترفيه عن أنفسهم وقضاء أوقات الفراغ وهو أسلوب غير مكلف ومناسب جدا للطفرانين ...... ما عليك غير تنزل على سوق الجمعة وتشتريلك حمامتين بلديات .... بعدين بتنزل على المزبلة في الحارة وبتجيبلك تنكتين وبتحط فيهم شوية قش وبتزتهم على ظهر السطح وبتظلك كل يوم المغربيات تطلع على السطح تمارس هوايتك الجديدة في الحياة وهي رياضة كش الحمام .... بشرفك مش أحلى من رياضة الفروسية


م
ن
ق
و
ل

السلام عليكم ورحمة الله وبركاته

حلوين قوي ، تسلم ايدك لينا

بس انا برضة مش فاهمة

اية رياضة كش الحمام دي انا اول مرة اسمع بيها

الي هو تجيبيي حمام تربيه وبعد كدة تطيريه
اظن ذلك !!!!!!!!!!!!!!!!!!!!!!!!!!!!!!!!