ترضيها؟وانت ترضاها؟نقاش ساخن جدا(ارجو التفاعل)

10-13-2008, 04:46 AM

السلام عليكم ورحمة الله وبركاته
حياكم الله
جيالكم انهاردا بموضوع وقضية خطيرررررررررررررررررررررة جدا انا هعرضها من خلال صور وانتم خدو بالكم منها وان شاء الله يارب اقدر اوصلكم الصورة كويس ومظبوطة

الصورة الاولى
المتزوجة والمتزوج
الاخ:السلام عليكم ورحمة الله
الاخت:وعليكم السلام ورحمة الله
الاخ :ازيك عاملة اية؟
الاخت:الحمد لله بخير وانت اخبارك اية؟
الاخ:الحمد لله ماشي الحال
الاخت:مالك شكلك مضايق في اية؟
الاخ:ابدا شوية مشاكل مع زوجتى ومش عارفة اعمل اية
الاخت :خير اية اللى حصل فضفض واحكيلى

ويبدء من هنا انو يحكى ويقولها مشاكلة الزوجية

الصورة التانية
هى هى الصورة الاول بس الاختلاف هنا ان الزوجة هى اللى عندها المشاكل وهتبتدى تحكى للاخ
الصورة الثالثة
المتزوج والانسة
نفس الصورة الاولى لاكن الفرق ان هو متزوج وهى انسة لسة وبيبتدى يحكيلها مشاكلة الزوجية

الصورة الرابعه
المتزوجة والعاذب
نفس الصورة الاولى لاكن الفرق هى اللى متزوجة وهو العاذب وهى بتحكيلو مشاكلها الزوجية

ملحوظة :
مش شرط علاقات النت بالعكس بيحصل في الواقع ان مثلا اخ متزوج يعرف اخت عن طريق قرابه او علاقة عمل او الى اخرة فا يستدعى انه يحكيلها مشاكل بيته والعكس صحيح ان الاخت هى اللى تكون عارفه اخ وتحكيلو مشاكلها الزوجية.

هاااااااااااااااااااااااااااااا اكيد عرفتو انا اقصد اية في موضوعنا

موضعنا هو اننا بنناقش قضيه مش سهلة خالص من وجهت نظرى ويمكن بتكون العامل الاساسي في نجاح او فشل العلاقة الزوجية.

اسئلتى ليكم

لو انت متزوج
هل ترضي ان زوجتك تحكى لحد اسرار ومشاكل بيتكم تكشف حياتكم الزوجية قدام حد؟
ولو ماترضاش لية ممكن تسمح لنفسك انت انك تسمع مشاكل زوجة اخرى؟
طبعا سواء بتحكى لقريبة ام غريبة او لصديقة على النت او في الواقع

لو انتى زوجه
هل ترضي ان زوجك يحكى مشاكل حياتكم الزوجية لاحد وخاصة لو بيحكى ويفضفض مع اخت؟؟
ولو مارضتيش لية انتى تسمحى لنفسك انك تسمعى مشاكل زوج تانى؟؟
وطبعا اى كان قريب او غريب معرفة نت او واقع

لو انت عاذب
ترضى انك لما تتجوز زوجتك تطلع اسرار بيتكم بره وتحكى لحد مشكلة ما حصلت بينكم؟
ولو مارضيتشي لية تسمح لنفسك انك تسمع مشاكل زوجة في بيتها؟
وبرضو سواء قريبه او غريبة او علاقة واقع او علاقه نت

لو انتى انسة
ترضي اما ربنا يكرمك وتتجوزى انك تحكى مشاكلك بينك وبين زوجك لحد بره؟
ولو مارضتيش لية انتى بترضي وتسمحى لنفسك انك تسمعى مشاكل زوج في بيته؟
وكذلك سواء علاقة واقع او نت او قريبة او غريبة

سؤؤؤؤؤؤؤؤؤؤؤؤؤؤؤؤؤؤؤؤؤؤؤال اخير ومختلف نوعا ما عن باقي الاسئله

لو انت زوج ترضي اصلا ان زوجتك تحكى لحد مشاكلكم حتى لو كانت بتحكى لاخت زيها ؟

لو انتى زوجة ترضي اصلا ان زوجك يحكى لحد مشاكلكم حتى لو كان بيحكى لاخ زيه؟

واية السبب من رفض الحكى اصلا للطرفين؟
اتمنى انى اكون وفقت في طرح الموضوع ومنتظرة ردودكم بمنتهى الصراااااااااااااحة جدا
لان هدفنا من كل موضوع نقدمة في ساحة النقاش مش مجرد ان حد يطرح موضوع والتانى يرد ويقول رايه وبس
احنا هدفنا النهضة والرقي واننا نحاول تشوف السلبيات اللى موجودة في مجتماعنا ونحاول نصلحها
واصل المجتمع هو الاسرة البسيطة اللى هى الام والاب والابناء عشان نصلح الاسرة الكبيرة اللى هو المجتمع لازم نبدا بالصغيرة فا ارجو منكم الردود صريحة واننا نلتزم في اى موضوع نقاش نطرحة بردودنا بمعنا ان ربنا شاهد على انفسنا يعنى لو قولنا رأى نكون فعلا بنطبقه في حياتنا وفعلا احنا كدا من جوانا مش مجرد رائ كويس بنقوله عشان بس الناس تشكرنا عليه ويقوله مشاء الله دا رده متميز التميز الحقيقى هو اننا نلتزم الصراحة واننا نعمل بللى بنقوله .

وجزاكم الله كل خيرا ومنتظراكم
السلام عليكم ورحمة الله وبركاته

10-13-2008, 05:48 AM

السلام عليكم ورحمة الله وبركاته
جزاكم الله خيراً ع طرح موضوع فى غاية الاهمية
وتسمحيلي اجوبك ع اسئلتك
ترضى انك لما تتجوز زوجتك تطلع اسرار بيتكم بره وتحكى لحد مشكلة ما حصلت بينكم؟
المسألة دي ليها اكتر من وجهة نظر لو فرضنا ان زوجتي دي مش بتحبني او متجوزين بطريقة ما هي ما كنتش حباها او شايفة انها حاجة فى قمة التعليم او الجاة وانا شخص عادي ساعتها مش هتحس ان فى توافق فى الحياة الزوجية وبالتالي اى حاجة هقولها عليها سواء سر او مش سر ممكن تطلعة لاي حد
اما ثاني وجهة نظر فا هي لو زوجتي دي بتحبني فمن المستحيل ان هى تطلع اسرار زوجها برا باب الشقة حتي لو لامها او ابوها وطبعاً كدة او كدة انا ما ارداش ان زوجتي تطلع المشاكل برا

ولو مارضيتشي لية تسمح لنفسك انك تسمع مشاكل زوجة في بيتها؟

وبرضو سواء قريبه او غريبة او علاقة واقع او علاقه نت

بس انا ما سمعتش مشاكل زوجة فى اى مكان سواء واقع او نت
الا مرة واحدة كنت فى القسم علشان بختم ورق من عند الظابط فا داخل علية وبديلة الورق لقيت واحدة قاعدة قدامة وشغالة تحكي ع جوزها وبيعمل فيا وبيضربني وكلام من دة بقا

لو انت زوج ترضي اصلا ان زوجتك تحكى لحد مشاكلكم حتى لو كانت بتحكى لاخت زيها ؟
لا
لو انتى زوجة ترضي اصلا ان زوجك يحكى لحد مشاكلكم حتى لو كان بيحكى لاخ زيه؟
لا
واية السبب من رفض الحكى اصلا للطرفين؟
السبب لان خلاص انا وهي نعتبر واحد شخص واحد كل واحد بيحب التاني روح واحدة واى كلمة بتتقال ليها او هي بتقولهالي بتعتبر امانة وذى ما بحافظ علي زوجتي من اى نظرة او كلمة من اى حد لازم احافظ علي كلامها معايا وعلي حبها وامانتها

وبارك الله فيكي ونفع الله بكي

10-13-2008, 06:10 AM

السلام عليكم
بجد جزاك الله كل خيرا على التفاعل وعلى الرد اللى فعلا محترم جدا وفي غاية الاهمية بارك الله فيك

10-13-2008, 07:44 AM

السلام عليكم
اسفة نسيت اوضح حاجة مهمة في الموضوع
بالنسبة مثلا لما سثلت الاخ المتزوج
هل ترضي ان زوجتك تحكى لحد اسرار ومشاكل بيتكم تكشف حياتكم الزوجية قدام حد؟
ولو ماترضاش لية ممكن تسمح لنفسك انت انك تسمع مشاكل زوجة اخرى؟
عاوزا اقوله كمان انك لو مترضاش مش شرط انك تسمح لنفسك انك تسمع مشاكل زوجة اخرى
لية انت كمان ممكن تروح تحكى لحد مشاكل بيتك سواء زوجة او انسة؟

وبالنسبة للاخت المتزوجة
هل ترضي ان زوجك يحكى مشاكل حياتكم الزوجية لاحد وخاصة لو بيحكى ويفضفض مع اخت؟؟
ولو مارضتيش لية انتى تسمحى لنفسك انك تسمعى مشاكل زوج تانى؟؟
برضو مش شرط انك تسمحى لنفسك انك تسمعى مشاكل زوج اخر
ليه انتى كمان تروحى تحكى مشاكل بيتك سواء لزوج او شاب عاذب؟

واخر اسئله معايا
اية رايك في الزوجة اللى تطلع اسرار ومشاكل بيتها بره لاى حد غريب او قريب واقع او نت؟
اية رايك في الزوج اللى يطلع اسرار ومشاكل بيته بره لاى حد غريب او قريب واقع او نت؟

طبعا مش شرط المشاكل اى شي ينطبق تحت مسمى الحياة الزوجية
سواء مشاكل او مواقف او غيرة لية تتحكى اصلا؟
اية النصيحة اللى تقدموها للزوج او الزوجة اللى بيحكى حياتهم الزوجية لحد برة؟
اية النصيحة اللى تقدموها للشاب او الانسة اللى بيسمعو او يدو رايهم للناس المتزوجة ويشاركوهم في حياتهم؟؟

اسفة انى طولت جدا في الموضوع دا بس فعلا هو يستحق وفي غاية الاهمية ومنتظرة ردودكم في منتهى الصراحة
وجزاكم الله كل خيرا ويشهد الله انى احبكم في الله
السلام عليكم

10-13-2008, 10:21 AM

لي عودة ان شاء الله

التميز خلال 24 ساعة
العضو المميز	الموضوع المميز	المشرف المميز	الإدارى المتميز
	احكي معانا لنعرفك اكثـر !! بقلم : لـيـونـة	قريبا

ترضيها؟وانت ترضاها؟نقاش ساخن جدا(ارجو التفاعل)

ســاحــة الــنــقــاش الــجــاد