جديد: مسلسل انا ورمضان والصيام _على شبكة الاسلام الدعوية

[شعاع الامل]

جديد: مسلسل انا ورمضان والصيام _على شبكة الاسلام الدعوية

بسم الله الرحمن الرحيم
حياكم الله اخوانى واخواتى اعضاء وزوار شبكة الاسلام الدعوية

بأذن الله معنا مسلسل قصير (فكاهى لاكن بيقدم رساله بين السطور)

باذن الله المسلسل هيبقي يوم ويوم هتنزل حلقة على شبكة الاسلام من خلال الموضوع دا

والمسلسل بعنوان (انا ورمضان والصيام)

المسلسل حصرى على شبكة الاسلام وبسسس

الفكرة مش منقوله هى من كتباتى ومش هقول من وحى خيالى لانها من واقع بنشوفه في معظم البيوت المسلمة

ومن احداث كتير بشوفها وبسمعها قدرت انى اكتب حلقات المسلسل وهتكون حلقاته من 7 الى 10 حلقات ...


ونعتزر على تأخر نزول المسلسل من اول رمضان نظرا لظروف انشغالى...


واتمنى انه يعجبكم وتستفيدو منو وتوصلكم الرساله من بين السطور



اختكم شعاع الامل

السلام عليكم

---

[]d]: lsgsg hkh ,vlqhk ,hgwdhl _ugn af;m hghsghl hg]u,dm hghsghl hg]u,dm hkh []d] af;m ugn ,hgwdhl

[شعاع الامل]

بسم الله الرحمن الرحيم

سيداتى أنساتى سادتى اهلا ومرحبا بكم في تلفزيون شبكة الاسلام الدعوية

كل سنة وانتم طيبين ورمضان كريم وحان الان موعد المسلسل العربي (أنا ورمضان والصيام )

تدور حلقات المسلسل عن اسرة بسيطة في بيت بسيط هيستضيفونا في النصف التانى من رمضان في بيتهم المتواضع

وهنعيش معاهم جو رمضان الخاص بيهم هما وبس


اعرفكم بابطال المسلسل


أبو أحمد: ودا بقي الراس الكبيره يبقي رب البيت وهو راجل متواضع ومحترم وطيب .

أم أحمد: وهى بقي النص الحلو بتاع أبو احمد وهى ربه المنزل وأم العيال.

محمود: دا بقي يبقي الابن الاكبر وهو شخصية متزنة وجادة وذات عقل كبيييير .

أحمد : يبقي الابن الاصغر من محمود بشويه صغيرين لاكن مغلبهم معاه في البيت .

مى: دى بقي اصغر من أحمد بشوية صغيرين وبصراحة هى ام عقل ضارب شوية.

ياسمين: اخر العنقود وممكن تقولو ام لسان ونص وهى طبعا لمضه لماااااااااااااضه.


ضيوف الشرف للحلقة الاولى

أم محمد: ودى الست الطيبة اللى تبقي جارتهم اللى ساكنه تحتيهم.

ندى: ااااااااااااخ ياخوفي من ندى ليها دور صغير بس ممكن اقولكم انها مصيبة من مصايب الزمن.

[شعاع الامل]

...(الحلقة الاولى)...



الاسرة في صمت وهدوء وفي انتظار سماع رؤيه رمضان

التلفزيون: نهنئ الامة الاسلامية بحلول شهر رمضان المبارك غدا بمشيئه الله وكل عام وانتم بخير ويعوده عليكم بالخير واليمن والبركات.....

ومع فاصل غنائي (مرحب شهر الصوم مرحب لياليك عادت بامان بعد انتظارنا وشوقنا إليك جيت يارمضان.................)

أم أحمد: يلا ياولاد كل سنة وانتم طيبين يلا عشان نجهز نفسينا ننزل نصلى التراويح اما ادخل اصحى ابوكم.

ياابو احمد يا ابو احمد قوم يلا كل سنة وانت طيب

أبو أحمد: وانتى طيبة يا ام احمد خلاص بانت الرؤيه ولا ايه؟

أم أحمد: ايوة بانت وبكرة رمضان ان شا ءالله يلا عشان تنزل تلحق التراويح..
أبو أحمد: حاضر يا ام احمد هقوم اتوضئ والبس وانزل..

أحمد: انا نازل بقي يا ماما اسهر مع اصحابي واشوفكم على السحور.

ام أحمد: اصحابك ايه يا احمد يابنى ربنا يهديك انزل صلى التراويح والسهرمش هيطير طول السنة سهران.

احمد: يا ماما انتى عارفه رمضان دا شهر السهر والخروجات لحد الفجر دا انتى ماتعرفيش القهاوى بره بتبقي عامله ايه بتبقي عيشه اخر فل.

أم احمد: قهاوى ايه يابنى ربنا يهديك ويصلح حالك.

جرس الباب يرن تررررررررررررررررررررررررررررررررررن

ام احمد: افتحى الباب يا ياسمين .

ياسمين: حاضر يا ماما

محمود : السلام عليكم

ابو احمد_أم احمد _ياسمين_أحمد : وعليكم السلام ورحمة الله

محمود : كل سنة وانتى طيبة يا امى وكل سنة وانت طيب يا حاج يارب كدا السنة الجايه تكونو في العمره

أم احمد : يسمع من بوقك يا محمود يابنى ويصلح حالك للخير ويفرحنا بيك ان شا ءالله.

محمود : جهزت يا حاج انت واحمد عشان ننزل نصلى التراويح مع بعض.

ابو احمد: ايوة يا ابنى الحمد لله جاهز يلا بينا نصلى .

أحمد : طيب يا جماعه بقي اسيبكم انا ونتقابل على السحور.

محمود: على فين يا احمد مش نازل تصلى معانا ولا ايه ولا انت هتصلى في مسجد تانى؟

أحمد : لا يا محمود فكك منى انا انهاردا سهران مع اصحابي و هبقي اصلى معاكم من بكرة.... يلا سلااااموز.

محمود: لاحول ولاقوة الا بلله هو الواد دا مش هينتبه لحاله ولا ايه يلا ربنا يهديك يا احمد... يلا احنا يا حاج عشان مانتاخرشي.

ابو أحمد : يلا يا ابنى.....

أم احمد : ها يا ياسمين خلصتى ولا لسه يابنتى ماتاخرنيش مش كل سنة على كدا لا اما اسيبك في البيت لوحدك ..

ياسمين: لالالالالالالالا يا ماما انا خلصت خلااااص يلا بينااا.

ام احمد تخبط على جارتها اللى تحتيها..

أم احمد: السلام عليكم كل سنة وانتم طيبين يا ام محمد

أم محمد : وانتى طيبه يا ام احمد يارب كدا السنة الجايه انا وانتى نكون بنعمل عمره مع بعض.

أم احمد :ياااارب يا ام محمد ينولهالنا بحق الايام المفترجة دى ... بقولك يا ام محمد خلى مفتاح الشقه عندك عشان مى بنتى زمانها جايه ونسيت مفتحها فا اما تيجى اديهولها عشان انا رايجة اصلى.

أم محمد: حاضر ياختى وادعيلنا معاكى ربنا يشفينى والله كان نفسي اقدر اجى اصلى معاكى بس انتى عارفه مابقدرشي امشي.

أم احمد : ربنا يشفيكى يارب ويعافيكى يلا اسيبك انا عشان ما اتاخرشي السلام عليكم.

أم محمد: وعليكم السلام.

أم أحمد : امشي ومدى شوية يا ياسمين بلاش لكاااعة .

ياسمين : حاضر يا ماما اهووو ياعنى اطير ما انا ماشيه جنبك بسرعه.

أم احمد : ماشي يالمضة اما اشوف اخرتها معاكى اقولك كلمه تردى عليا بعشرة.

المسجد : الله اكبر الله اكبر الله اكبر الله اكبر

جرس الباب ترررررررررررررن تررررررررررررررررن (مع خبط كتييييييييير) مافيش حد في البيت ولا ايه راحو فين الناس دى.

أم محمد : ميييييييييييييييين اللى بيخبط فوووق ميييييييييييين؟

مى : انا مي ياخالتى ام محمد

ام محمد : ازيك يامى ياحبيبتى عامله ايه كل سنة وانتى طيبة..

مى: وانتى طيبة وبخير انتى وكل اللى عندك.

أم محمد: دى ماما سابتلك المفتاح عندى عشان هى راحت تصلى .

مى : (ناااااااااازلة على السلم ) طيب شكرا ياخالتى ام محمد .

مى..(طبعا دخلت البيت )

جرس التليفون تررررررررررررررررررن ترررررررررررررررررررررررررررررن

مى : الووووو

ندى : الوووو ازيك يا مايويا عامله ايه يابت؟

مى : ازيييييييييييك يانووووودى وحشانى موووووووووووووت ايه يابنتى فينك يانادله مابتسئليش.

ندى: والله انتى وحشانى اكتر ما انتى عارفه يابنتى بقي الجامعه وقرفها وبرجع في البيت يقرفونى هما التانين روحى واعملى وسوى اما الواحد قرف خلاص من عشته.

مى: معلشي يابنتى كل البيوت فيها كدا بكرة نتجووز ونريحهم مننا.

ندى : اه على رائيك المهم انتى ايه اخبارك وهتعملى ايه في رمضان.؟.

مى : والله كالعادة زى كل سنة من المسلسل دا للبرنامج دا وطبعا بقي الصلاه في المسجد اللى لا مفر منهااا عشان ماما وبابا بيفضلو يزعقولى وصلى صلى فا بنزل اصلى..

ندى: اةةةةةةةةةةة انتى هتقوليلى على الصلاه في المسجد المشكله يابنتى ان الواحد بيبقي لسه مديهااا اكل والحياه بتبقي بايظه معاه وبيبقي عاوز ينام ويأنتخ ههههههه.

مى: هههههههههه اه والله الواحد بياكل ويجيلو زهيمر وعقله يتخن من كترا لاكل وبيبقي عاوز يديها نووووووووووووووووم.

ندى: يلا بقي اهى ايام وبنعشها وبتعدى .. وانتى مانزلتيش تصلى ليه طيب انهاردا؟؟

مى : لا ياستى انا براااااااااااااااااااءه انهاردا رجعت مالقتشي حد في البيت كانو نزلو كلهم صلو ياعنى لاحد هيقولى انزلى صلى ولا حاجة هريج انهاردا واناام وبكرة بقي نبقي ننزل للصلاة .

ندى: طيب يانووودى معلشي اسيبك انا عشان الحق انام انا التانيه قبل ما الناس تيجى تقتحم البيت ويعملولى ازعاج يلا بااااى ياقمر.

مى: بااااااااااااااااااااااااااااااااااااااااى.

مى (حديث مع نفسها) اما ادخل انا كمان انام شوية قبل مايرجعووو.
وبعد ساعتين
عودة (ابو احمد _ محمود_ ام احمد _ ياسمين)


والى اللقاء أعزائي القراء والمشاهدين في حلقة قادمة مع المسلسل (انا ورمضان والصيام)

انتظروووووونا وماتروحوش على منتدى تانى عشان مش هتلاقو اللى عندنا في مكان تانى

والسلام عليكم

[أبو مريم]

ما شاء الله شكل المسلسل جميل

وفقكم الله أختنا

ننتظر ان شاء الله بقية التكملة

بارك الله فيكم وأحسن الله اليكم

[فجر الأمل]

هههههههههههههههههههه حلوو أوي يااقمر بجد بجد جممميل أووي
ابدااع ومستنين الحلقة التانية بفارغ الصبر
انا نفسي فمشهد الأكل حيبقى أكشن أووي ههههههههه

[أبو معاذ الكنانى]

ما شاء الله ابداع وتصوير متميز للحياة اليومية للمسلمين فى رمضان

ننتظر استكمال الحلقات

[شعاع الامل]

السلام عليكم
جزاكم الله كل خيرا جميعا على مروركم الطيب وبارك الله فيكم

[شعاع الامل]

...(الحلقة التانية)...



الحلقة التانية:
أم احمد (صحيت لتحضير السحور)

أم أحمد : يا مى قووومى كفياكى نوم دا انتى نايمه من بدرى قومى يلا حضرى معايا السحور .

مى: حااااااااااااااااااااضر يا ماما رجعنا لوجع القلب بقي وتحضير السحور .

أم احمد : يابنتى دا احنا لسه في اول يوم لحقتى تخليها وجع قلب محسسانى ان رمضان السنة كلها يلا ادخلى حضرى السحور لحد ما اصحى اخواتك وابوكى.

مى: حاضر ياست ماما .

أم احمد : يا ياسمين قومى يلا عشان تتسحرى ..

ياسمين : حااااضر يا ماما .

أم احمد : يلا اصحا يا محمود قوم يابنى عشان السحور .

محمود : صباح الخير يا امى .

أم احمد : صباح النور ياحبيبي روح صحى ابوك لحد ما ادخل اشوف مى واجهز معاها السحور.

أم احمد: ها يامى عملتى ايه ؟

مى: ادينى محتاسه اهو عماله اعمل كل حاجة لوحدى اكن مافيش حد غيرى في البيت.

أم احمد: يابنتى ما انا معاكى اهو وايد على ايد بتساعد .

جرس الباب ترررررررررررررررررن ترررررررررررررررن.

أم احمد: افتح يا محمود تلاقيه اخوك.

محمود يفتح الباب

أحمد : ايه ياجدعاااااااااااااااان ساعه عشان تفتحو ايه نايمين ولا ايييييييه .

محمود : يابنى قول السلام عليكم الاول .

أحمد: طيب ياعم الشيخ السلاااام عليكم .

محمود : وعليكم السلااام ياعم الرايق.

ام احمد: يلااااا ياولاد السحور جهز.

احمد : اما انا كنت سهران حتت سهرة كان على القهوة عاملين خيمه اخر روشنة ومن جمالها الناس كانت واقفه عشان مش لاقيين اماكن.

ابو احمد: لاحول ولاقوة الا بلله ياعنى الناس في رمضان بدل ما تقعد تصلى وتقرى قرأن وتقرب من ربنا بيروحو يقعدو على القهوة ويزودو الفساد في الايام دى اكتر من اى ايام تانيه.
محمود: والله معاك حق يا حاج رمضان تلاقي ناس مستنياه بفارغ الصبر عشان تجدد طاعتها وعبادتها وناس تانيه تستناه عشان السهر والمرح والفساد .. الله يهدى الجميع.

أحمد: فساااد ايه ياعم محمود ما تفكها كدا شوية ماتبقاش عقد.

محمود : عقد!!!!! طيب ياعم مقبولة منك الله يسامحك.

ام أحمد: انتم هتقعدو ترغو كدااا كتير مش تاكلو بقي ولا ايه الاذان خلاص قرب ياذن.
بعد انتهاء السحوور

أم احمد: يلا يابنات قومو شيلو الاطباق وروقو المطبخ.

مى : يلا ياياسمين قومى شيلى وودى على المطبخ.

ياسمين : لالالا انا مش قادرة شيلى انتى مش كل حاجة ياسمين ياسمين انا عاوزا اقعد العب بالفانوس بتاعى.

مى : قووووووووووووووووووولتلك قومى شيلى بدل ما اضربك .

ام احمد : ياربي عليكم ماسبكوش تعملو اى حاجة غير اما تقعدو تزعقو كدا في بعض ومش مستحملين بعض خلاص انا اللى هشيل ومش عاوزا منكم حاجة.

مى: خلااااااااااص يا ماما اقعدى انتى مش كل يوم الاسطوانة دى هشيل انا وامرى لله .

ياسمين: وحوى ياوحوى ايوووووووووووووحا

محمود: بس يا ياسمين اطفي الفانوس دا وادخلى يلا اتوضى عشان تصلى.

أحمد: يلا بقي تصبحوووو على خيييييييير ومحدش يصحينى نهااائي...

ابو احمد: انت هتنام ولا ايه يا احمد دا فاضل 10 دقائق على الاذان .

أحمد : ايوة ياحج ما انا هصليه اما اصحا ..

ابو احمد: اما تصحا ايه بس مافيش نوم دلوقتى واخرتها بقي معاك صلى وبعدين نام..

أحمد: طيب بص ياحج هخطف حلم على السرررررررريع كدا واول ما ياذن هصحا اصلى.

محمود: ماتتعبشي نفسك معاه يا بابا (ان الله لايغير بقوم حتى يغيرو مابانفسهم) فاسيبو وادعيلو بالهداية ويلا احنا ننزل المسجد عشان الصلاة.

أبو احمد : يلا يابنى ربنا يفتح عليك وينور قلبك.

وبعد نصف ساعه عودة ابو احمد ومحمود من المسجد
ونوم ام احمد ومى وياسمين واحمد

[أبو معاذ الكنانى]

احمد دا فى الروقاااااااااااان

[الياقوتية]

جميلة جدااا √
سلمت يداك √