السلام عليكم ورحمة الله وبركاته
حياكى الله وجزاكى الله كل خيرا على الموضوع وفعلا موضوع رائع ومهم

هل ذكاء المرأة يخيف الرجل ويهدد مكانته ؟؟
مش في كل الاوقات لان ذكاء عن ذكاء بيفرق في نوعين هنا من الذكاء.
النوع الاول:وهو الذكاء اللى من خلاله المرأه هتقدر تخلى الرجل زوجها دا انو يحبها ويخاف عليها لانها عندها ذكاء اجتماعى وعندها القدرة ان من ذكائها هتكسب هذا الزوج وتشده ليها وبالتالى النوع دا من الذكاء بيكون ايجابي جدا ومستحب والرجل عمره ماهيخاف منه.
النوع التانى:وهو ذكاء يسمى بالنقمه لان المرأه بيكون كل هدفها انها تعلى على الزوج وتحاول انها تنتصر عليه في كل الاوقات وتدبرله بعض الافعال اللى من خلالها فعلا الرجل هيخاف وهيكون مهدد في كل لحظة وطبعا هذا الذكاء سلبيى جدا ومن نظرى هو (غياااااااااااااء).

هل المرأة قد تكون السبب في هروب الرجل منها , لأنها متفوقة عليه في كل

الأوقات . وقادرة على إظهار قدراتها بشكل علني وجميل ؟

برضو مش في كل الاوقات وهنا برضو في سببين معانا لهروب الرجل
السبب الاول:ان اوقات الشخص كلما يعلى ويكبر ممكن يصيب بمرض الغرور والتكبر فا هنا ممكن يكون دا حال المرأه انها دائما متفوقه وناجحه فا ممكن يوصلها هذا للغرور فا بالتالى من حق الرجل انو يهرب لان هيكون صعب عليه التعامل معاها لان في تناقض كبير بينهم.
السبب التانى:ان الرجل هو اللى مصاب بمرض التعقد والغيرة ولا يحب لاخية مايحبه لنفسه فا هيجيلو شعور بالنقص والغيرة ويقول كرامتى متسمحشي ان زوجتى تكون احسن منى وهى ناجحة وليها شأن كبير وانا لا فا هنا يبدء يكرها ويهرب منها. والله المستعان.


هل الرجل يريد امرأة ليتباهى بشكلها وجمالها و تحقق له كل رغباته دون أي

مشاركة في تطوير الأسرة و المجتمع من حوله , أم يريد امرأة تقف إلى جانبه

في مواجهة متطلبات الحياة ؟؟

انا زهقت من كل شوية اقولك برضو مش في كل الاوقات
المهم فعلا مش في كل الاوقات لان مش كل الناس زى بعضها والرجااااااااال هنا نوعين برضو
النوع الاول: رجل كل همه انو بتزوج امرأه جميله تحققله كل رغباته دا هدفه من الزواج فا بالتالى مش هيشغل بالو بقي انها تهتم معاه بالاسرة او غيره لان هو متزوجها لهدف واحد وبيوصل للهدف دا يبقي خلاص دا وجودها في الحياه مش عاوز منها حاجة تانى (طبعا دا راجل سلبي جدا لان مصيره في يوم يزهق ويسيبها ومافيش حاجة بتفضل على حالها الجمال بيجى عليه يوم ويروح).
النوع التانى: رجل متزوج عاوز امرأه تقف بجانبه تساعده تهون عليه مصاعب الحياه تكون حنونة ومتودده عليه ولا مانع من انها تكون جميلة هنا طبعا اكيد الحياه بينهم هتكون مستقرة وهتدوم لان بيجمعهم اشياء اقوى بكتير من انهم يبصو للحياه بجانب واحد زى الاخ اللى بيبصلها من زاوية الجمال الحارجى فقط. والله المستعان
بارك الله فيكى وربنا يحفظك من كل سوء ويرزقك الاخلاص والثبات.
السلام عليكم