السلام عليكم ورحمة الله وبركاته
حياكم الله جميعا واشتقت للمنتدى كتير وان شاء الله مش هغيب تانى
طبعا قولت بعد الغيبة دى ماينفعشي ادخل كدا عليكم بايدى فاضية فكرتلكم في موضوع ان شاء الله يارب يعجبكم
موضوعنا اسمو(خدعوك فقالو) يعنى اية الكلام دا ؟؟؟؟؟؟؟؟
يعنى دلوقتى بنمر في حياتنا بخدع كتير الناس بتنصحنا بيها ويقولولنا واحنا علينا سمع الكلام بدون تفكير ان شاء الله في الموضوع دا كل يومين هعرض عليكم خدعه جديدة حول موضوع معين .
اول موضوع هنناقشه ونطلع الخدع اللى بتقابلنا فيه وهو ((الخطوبة))
يبقي رايح العريس ياعينى يتقدم اول مرة اللى يحصل اية ان والد العروسة بيبقى واخد خدعه كبيرة (خدعوك فقالو) لازم تعرف هو شارى ولالا يبقي ماعليك غير انك تطلب طلبات كتيرة عشان نختبر العريس دا .
دى كانت اول خدعه معانا يمكن ناقشنا زيها من قبل بس لو حد عاوز يعلق عليها تانى مافيش مشكله لاكن لو اكتفينا بنقاشها من قبل يبقي ندخل على الخدعه التانية.
خلاص بقي العريس والعروسة اتخطبو ومشاء الله عيلهم ربنا يحفظكم يارب (خدعوك فقالو)
بصي بقي يابنتى طبعا انا امك اللى فاهمه عنك وادرى باحوال الدنيا حذااااااارى ان حماتك ولا اخوات عريسك البنات ياخدو حقك ولا تديلو الفرصة انو يفضلهم عليكى لازم تاخدى حقك منو وتعرفيه مقامه لازم تعرفيه حدوده من اولها كدا وتوريلو العين الحمراءعشان لو انتى عملتيلو طيبه كدا هيفتكرك هبلة وهيضحك عليكى ومش هتعرفي تاخدى منو لا حق ولا باطل وساعتها بقي هيسمع كلام كلام امه وهيستقو القلب عليكى وهيبقي لاحول لكى ولا قوة .
مش عارفة انا يعنى تعملو (تدبحلو القطة مثلا).
دى كانت الخدعة اللى الام فاكرين انها كدا بتساعد بنتها وبتوعيها وتفهمها ربنا يهدى الجميع
منتظرة ردودكم جميعااااااااااااااااا
جزاكم الله كل خيرا